PANJABAT WALI KOTA SUKABUMI MUKA SOSIALISASI PERGUB JAWA BARAT NOMER 21 TAUN 2017

Reporter :  ARIF HIDAYAT

Redaktur : ENDANG SUMARDI

Panjabat Wali Kota Sukabumi, Drs. H. Dady Iskandar, M.M., sacara resmi muka Sosialisasi Pergub (Peraturan Gubernur) Jawa Barat Nomer 21 Taun 2017, ngeunaan Rarancang Pangalolaan Sumber Daya Cai Wewengkon Wahangan Cisadéa jeung Cibaréno, cindekna tanggal 31 Juli 2018, di Rohangan Pasamoan Setda Kota Sukabumi.

Dina biantarana, Panjabat Wali Kota Sukabumi ngajelaskeun, Sumber Daya Cai téh ngarupakeun kurnia Nu Maha Kawasa, anu pungsina nya éta salian ti sabagé pangrojong kana sistim kahirupan ogé sabagé modal dina pangwangunan. Lantaran Sumber Daya Cai téh nyangkut kapentingan rupa-rupa séktor, sarta Daérah Pangalirannana nembus wates-wates wewengkon administrasi Kabupatén jeung Kota, sakaligus ngarupakeun kabutuhan poko pikeun kahirupan.

Salajuna dijelaskeun, pikeun ngarojong kalancaran koordinasi rupa-rupa kapentingan sakumna pihak, sarta pikeun ngarojong jeung ngaronjatkerun peran masarakat dina pangalolaan Sumber Daya Cai di Propinsi Jawa Barat, Gubernur Jawa Barat geus netepkeun Pergub Jawa Barat Nomer  21 Taun 2017, ngeunaan Rarancang Pangalolaan Sumber Daya Cai Wewengkon Wahangan Cisadéa-Cibaréno, anu pungsina sabagé dasar panyusunan program jeung rarancang kagiatan satiap séktor nu aya kaitannana jeung Sumber Daya Cai Wewengkon Wahangan Cisadéa-Cibaréno.

Panjabat Wali Kota Sukabumi ngaharepkeun, ku geus ditetepkeunnana Pergub Jawa Barat Nomer  21 Taun 2017 ieu téh, bisa jadi dasar dina ngalaksanakeun panyusunan, paniténan deui jeung panyampurnaan rarancang tata rohang wilayah di Kabupatén jeung Kota sarta Propinsi Jawa Barat, hususna dina ngalaksanakeun pangalolaan Sumber Daya Cai anu sinergi jeung terus-terusan.

Sedengkeun Kapala Widang Parancanaan Téknik Dines SDA (Sumber Daya Air) Propinsi Jawa Barat, Ěko Priastono, S.T., MPPM. ngajelaskeun, Sosialisasi Pergub Jawa Barat Nomer 21 Taun 2017 ieu téh, diiluan ku Parangkat Daérah Propinsi Jawa Barat, Kota Sukabumi, Kabupatén Sukabumi jeung Kabupatén Cianjur, sarta Sekertariat jeung Anggota TKP SDA WS Cisadéa-Cibaréno. Saterusna HKTI, Aspadin, FKDI, GP3A, PPNSI, Forum Jabsel, PKM-JBS, Suling, Dampal Jurig, KTHR, CINDEV, Forgab P3A, Sinurat Layung, Buana Lestari, Lembaga Pangkaji jeung Panyalamet Lingkungan Hirup, PDAM jeung Taman Nasional Gunung Gedé Pangrango. Salajuna nu jadi Nara Sumber, Hériyanto, Dipl.HĚ. jeung Dr. M. Ruhimat, M.Ě., sarta nu jadi Moderator, Anggota Déwan SDA Propinsi Jawa Barat, Drs. Dadang Sudarja.

Leave a Reply