UPACARA MILANG KALA KA 73 KAMERDÉKAAN RI TAUN 2018 TINGKAT KOTA SUKABUMI LUMANGSUNG LANCAR

Reporter :  ARIF HIDAYAT

Redaktur : ENDANG SUMARDI

Upacara Pangibaran Duplikat Bandéra Pusaka Mérah Putih dina raraga Milang Kala Ka 73 Kamerdékaan RI Taun 2018 Tingkat Kota Sukabumi, 17 Agustus 2018, anu dipuseurkeun di Lapangan Merdeka Kota Sukabumi, lumangsung lancar sarta aman jeung hidmat. Anapon nu jadi Inspéktur Upacara, Panjabat Wali Kota Sukabumi, Drs. H. Dady Iskandar, M.M., sarta Cadangan Inspéktur Upacara, Dandim (Komandan Distrik Militer) 0607 Kota Sukabumi, Létkol Kavaleri Mujahidin, S.Sos., Patugas Pangibar Duplikat Bandéra Pusaka Mérah Putih, Paskibraka (Pasukan Pangibar Bandéra Pusaka) Kota Sukabumi Taun 2018, jeung Paswalbraka (Pasukan Pangawal Pangibar Bandéra Pusaka) ti Yonif 310 Kidang Kancana, sarta Satuan Musik Marching Band Gema Swara Korpri Kota Sukabumi.

Salajuna pamilon upacara, ngawengku Gabungan Perwira TNI jeung Polri, para Camat jeung Lurah, Kodim 0607 Kota Sukabumi, Yonif 310 Kidang Kancana, Yon Arméd 13 Nanggala Kostrad, Setukpa Lemdiklat Polri Sukabumi, Polres Sukabumi Kota, Dines Pahubungan, Sat Pol PP, Korpri, PGRI, PPI, OKP, Mahasiswa, Palajar, Pramuka jeung PMR.

Upacara Milang Kala Ka 73 Kamerdékaan RI Taun 2018 Tingkat Kota Sukabumi éta téh, dieusi ku Ngaheningkeun Cipta miéling jasa-jasa para Pahlawan dipingpin ku Inspéktur Upacara, Pamacaan Naskah Pancasila ku Kapala Kajaksaan Negri Sukabumi, Ganora Zarina, S.H.,M.M., Pamacaan Naskah Pangbukaan Undang-Undang Dasar 1945 ku Kapolres Sukabumi Kota, AKBP Susatyo Purnomo Condro, S.H., S.I.K., M.Si., Pamacaan Naskah Proklamasi Kamerdékaan RI ku Ketua DPRD Kota Sukabumi, Yunus Suhandi, S.IP., jeung nyadakeun serineu miéling detik-detik Kamerdékaan RI ku Inspéktur Upacara salila samenit, dibarengan ku soara tatabeuhan jeung tembakan salto ku TNI ti Yonif 310 Kidang Kancana.

Saterusna dina mangsa soréna, dilaksanakeun Gelar Senja, anu dieusi ku rupa-rupa pidangan jenis kasenian, boh tradisional boh modern, sarta Upacara Panurunan Duplikat Bandéra Pusaka Mérah Putih Tingkat Kota Sukabumi Taun 2018 ku Paskibraka Kota Sukabumi Taun 2018 jeung Paswalbraka ti Yonif 310 Kidang Kancana, anu dimmitian ti pukul 16.00 WIB nepi ka réngsé, kalayan nu jadi Inspéktur Upacara Panjabat Wali Kota Sukabumi, Drs. H. Dady Iskandar, M.M., sarta Cadangan Inspéktur Upacara Ketua DPRD Kota Sukabumi, Yunus Suhandi, S.IP. Sedengkeun dina mangsa peutingna, dilaksanakeun Silaturahmi jeung Tasakur Bi Nikmat, di Gedong Juang 45 Kota Sukabumi, anu dimimitian ti pukul 19.00 WIB nepi ka réngsé, sarta direuah-reuah ku rupa-rupa pidangan jenis kasenian.

Leave a Reply