KWT BUNGA TANJUNG SARI 1 KALURAHAN BAROS DIVÉRIFIKASI KU TIM VÉRIFIKASI PROKLIM TINGKAT NASIONAL TAUN 2018

Reporter :  ARIF HIDAYAT

Redaktur : ENDANG SUMARDI

KWT (Kelompok Wanita Tani) Bunga Tanjung Sari 1 RW 03 Kalurahan Baros, Kacamatan Baros, Kota Sukabumi, divérifikasi ku Tim Vérifikasi Proklim (Program Kampung Iklim) Tingkat Nasional Taun 2018, ti Ditjén (Diréktorat Jéndral) Pangadalian Parobahan Iklim KLH (Kamentrian Linkungan Hirup), dibarengan ku BLH (Badan Lingkungan Hirup) Propinsi Jawa Barat jeung DLH (Dines Lingkungan Hirup) Kota Sukabumi, cindekna tanggal 9 Agustus 2018 nu geus kaliwat.

Ěta kagiatan téh dihadiran ku rupa-rupa unsur, anu ngawengku ti unsur Diskominfo (Dines Komunikasi jeung Informatika) Kota Sukabumi, Kacamatan Baros, Kalurahan Baros, LPM (Lembaga Pangbardayaan Masarakat) jeung TP PKK Kalurahan Baros, Ketua RW 03 Kalurahan Baros, para Ketua RT sa wewengkon RW 03 Kalurahan Baros, para Inohong Masarakat, Wanoja jeung Pamuda, sarta para tamu ondangan liana.

Dina kasempetan éta, Ketua Tim Vérifikasi Proklim Tingkat Nasional Taun 2018 nandeskeun, Proklim téh ngarupakeun program anu lingkupna nasional anu dimekarkeun ku KLH, pikeun ngadorong ilu biung masarakat jeung sakumna pihak, dina ngalaksanakeun aksi lokal pikeun ngaronjatkeun katahanan anu diakibatkeun tina pangaruh parobahan iklim jeung émisi.

Lian ti éta ogé ditandaskeun, ngaliwatan Proklim pamaréntah méré pangajén ka masarakat di tempat tinangtu, anu geus ngalaksanakeun usaha nyaluyukeun jeung mitigasi parobahan iklim. Sala sahijina KWT Bunga Tanjung Sari 1 RW 03 Kalurahan Baros, Kacamatan Baros, Kota Sukabumi, hasil maju jadi calon pamilon lomba Proklim Tingkat Nasional Taun 2018.

Salajuna ditandeskeun, Kalurahan Baros, Kacamatan Baros, Kota Sukabumi dinyatakeun sabagé kampung iklim, lantaran nyumponan pasaratan sabagé kampung iklim. Sabab masarakat di Kalurahan Baros bisa nyikepan usum katiga jeung usum ngijih sacara wijaksana, nya éta dina satiap nyanghareupan usum katiga téh sok ngawangun ibun désa, anu gunana sabagé tempat panampungan cai.

Disagigireun ti éta, ogé salawasna jeung terus-terusan ngajaga leuweung lindung nu aya di Kalurahan Baros, sarta kasadaran masarakatna tara miceun runtah sambarangan jeung ngagunakeun limbah sabagai pupuk organik. Saterusna, masarakat di éta kalurahan téh salawasna ngamangpaatkan buruan imahna, nya éta ku cara dipelakan rupa-rupa jenis sayuran, saperti sasawi, kangkung, bayem jeung sajabana, pikeun nambahan ékonomi kulawargana.

Leave a Reply