ACARA SÉRÉN SUMÉRÉN KALUNGGUHAN WALI KOTA KATUT WAKIL WALI KOTA SUKABUMI PARIODEU TAUN 2018-2023

Reporter :  ARIF HIDAYAT

Redaktur : ENDANG SUMARDI

Acara Sérén Sumérén Kalungguhan Wali Kota Sukabumi ti Panjabat Wali Kota Sukabumi, Drs. H. Dady Iskandar, M.M. ka Wali Kota katut Wakil Wali Kota Sukabumi Pariodeu Taun 2018-2023, H. Achmad Fahmi, S.Ag., M.M.Pd. katut H. Andri Setiawan Hamami, S.H., M.H., lumangsung dina apél isuk pagawé di lingkungan Setda Kota Sukabumi, katut Diskominfo (Dines Komunikasi jeung Informatika) Kota Sukabumi, Dispusip (Dines Perpustakaan jeung Kaarsipan) Kota Sukabumi, BPKD (Badan Pangalolaan Kauangan Daerah) Kota Sukabumi, BKPSDM (Badan Kapagawéan jeung Pangembangan Sumber Daya Manusa) Kota Sukabumi, Dines Sat Pol PP Pol PP (Satuan Polisi Pamong Praja) Kota Sukabumi jeung Dines Pahubungan Kota Sukabumi, cindekna poé Jumaah, 21 Séptémber 2018, di Buruan Apél Setda Kota Sukabumi.

Ěta acara sérén sumérén kalungguhan Wali Kota Sukabumi téh, dimimitian ku ngahaleuangkeun Lagu Kabangsaan Indonsia Raya, Pamacaan Kaputusan Mentri Dalem Negeri ku Kapala Bagian Hukum Setda Kota Sukabumi, Ěén Rukmini, S.H., M.H., Panandatanganan Berita Acara Sérén Sumérén ku Panjabat Wali Kota Sukabumi katut Wali Kota Sukabumi, Pamasrahan Mémori Jabatan ti Panjabat Wali Kota Sukabumi ka Wali Kota Sukabumi, sarta Pamasrahan Petikan Kaputusan Mentri Dalem Negeri ku Asistén Pamaréntahan, Hukum, HAM (Hak Asasi Manusa) jeung Kesra (Kesejahtraan Rahayat) Setda Propinsi Jawa Barat, ka Wali Kota katut Wakil Wali Kota Sukabumi.

Hadir dina kasempetan éta, Pingpinan katut Anggota DPRD Kota Sukabumi, unsur FKPD (Forum Komunikasi Pingpinan Daérah) Kota Sukabumi, Dan Yonif 310 Kidang Kancana, Dan Yon Armed 13 Nanggala Kostrad, Dan Puslatpur Marinr, Panjabat Sekertaris Daérah Kota Sukabumi, jajaran Pangurus TP PKK katut DWP (Dharma Wanita Pasatuan) Kota Sukabumi, para Asistén Setda Kota Sukabumi, para Kapala OPD (Organisasi Parangkat Daérah) katut instansi jeung lembaga séjénna, para Camat jeung Lurah, para Alim Ulama, Inohong Masarakat, Pingpinan Organisasi Kamasarakatan, Kapamudaan jeung Wanoja, katut para tamu undangan lianna.

Saréngséna sérén sumérén kalungguhan, Wali Kota katut Wakil Wali Kota Sukabumi ngalaksanakeun pancén tugas di rohangannana masing-masing. Sedengkeun beurangna Rapat Paripurna DPRD Kota Sukabumi, ngeunaan visi jeung misi Wali Kota katut Wakil Wali Kota Sukabumi Pariodeu Taun 2018-2023, di Rohangan Rapat Paripurna DPRD Kota Sukabumi, jeung peutingna acara Kenal Pamit Wali Kota sarta Wakil Wali Kota Sukabumi Pariodeu Taun 2018-2023 katut Panjabat Wali Kota Sukabumi, di Gedong Juang 45 Kota Sukabumi.

Leave a Reply