PASANGAN WALI KOTA KATUT WAKIL WALI KOTA SUKABUMI NEPIKEUN PROGRAM 100 POÉ GAWÉ

Reporter / Redaktur : ENDANG SUMARDI

Pasangan Wali Kota katut Wakil Wali Kota Sukabumi Pariodeu Taun 2018-2023, H. Achmad Fahmi, S.Ag., M.M.Pd. katut H. Andri Setiawan Hamami, S.H., M.H., nepikeun Program 100 Poé Gawé, diantarana baris nyieun Aplikasi Super (Sukabumi Participation Réspondénts). Sakumaha anu dijlaskeun ku Wali Kota Sukabumi, ieu aplikasi téh dina raraga usaha ngagancangkeun prosés hubungan antara pamaréntah jeung warga masarakat Kota Sukabumi, hususna nu jadi kabutuhan warga masarakat bisa langsung ditepikeun ngaliwatan ieu aplikasi. Salian ti éta, ieu program téh baris diintegrasikeun jeung program Gubernur Jawa Barat, nya éta Jabar Quick Résponse.

Salajuna dina widang kaséhatan, baris nyieun program Home Care, nya éta Pamaréntah Kota Sukabumi baris ngajambatannan warga masarakat Kota Sukabumi anu keur gering di imahna sarta teu bisa indit ka Puskesmas atawa ka Rumah Sakit, nya éta parawat baris datang jeung méré palayanan kaséhatan ka warga masarakat anu keur gering di imahna sarta teu bisa indit ka Puskesmas atawa ka Rumah Sakit, alatan rupa-rupa hal.

Saterusna dina widang ékonomi, baris nyieun program Sukabumi Kécé (Kelurahan Ěntrepreneurship Cénter), pikeun munculkeun wirausaha ngora di satiap kalurahan nu aya di Kota Sukabumi, anu pamustungnnana kamandirian pamuda jeung angkatan gawé ka hareupna bisa mingkin kuat, sarta masih réa program anu baris dihontal jeung diwujudkeun, luyu jeung jangji-jangji pulitik anu ditepkeun dina mangsa kampanyeu nyalonkeun Wali Kota katut Wakil Wali Kota Sukabumi Pariodeu Taun 2018-2023. Diantarana ngagancangkeun pangwagunan Pasar Tradisional Semi Modéren Kota Sukabumi, anu pernahna dina urut lahan Pasar Pelita Kota Sukabumi, nya éta dina semeseter kahiji taun 2019, éta pangwangunan pasar téh diharepkeun geus ngawujud. Anapon program anu paling utama, nya éta baris nguatan sisi internal jeung sakumna ASN (Aparatur Sipil Nagara) di lingkungan Pamaréntah Kota Sukabumi, supaya sakumna ASN di lingkungan Pamaréntah Kota Sukabumi bisa kuat jeung kompak, sarta bisa ngabogaan pangaruh kana palayanan masarakat ka nu leuwih hadé deui.

Sedengkeun Wakil Wali Kota Sukabumi, H. Andri Setiawan Hamami, S.H., M.H. ngembohan, dina widang ékonomi, pihakna baris ngahangkeutkeun jeung munculkeun UMKM (Usaha Mikro Kecil jeung Menengah) di Kota Sukabumi, ngaliwatan palatihan jeung pangampingan. Maksud jeung tujuannana, pikeun ngaronjatkeun jeung ngamekarkeun UMKM di Kota Sukabumi, sarta bisa muka lapangan gawé anyar, hususna pikeun warga masarakat Kota Sukabumi. Tah ku éta hal téh, angka pangangguran jeung kamiskinan di Kota Sukabumi, bisa diteken jeung dikurangan.

Leave a Reply