SAKUMNA PIHAK SAPAMADEGAN ARÉK NGAJAGA KONDUSIFITAS WILAYAH KOTA SUKABUMI

Reporter / Redaktur : ENDANG SUMARDI

Wali Kota Sukabumi, H. Achmad Fahmi, Wakil Wali Kota Sukabumi, H. Andri S. Hamami, S.H., M.H., Dandim 0607 Kota Sukabumi, Létkol Kav. Mujahidin, S.Sos., Kapolres Sukabumi Kota, AKBP Susatyo Purnomo Condro, S.H., S.I.K., M.Si. katut Ketua DPRD Kota Sukabumi, Yunus Suhandi, S.IP., ngalaksanakeun silaturahmi jeung koordinasi katut para Alim Ulama, Inohong Agama, Inohong Masarakat, Ormas Islam jeung OKP sarta pawakilan ti rupa-rupa élemén masarakat séjénna sa Kota Sukabumi, cindekna di Rohangan Pasamoan Setda Kota Sukabumi, tanggal 23 Oktober 2018.

Wali Kota Sukabumi ngajelaskeun, dilaksanakeunnana silaturahmi jeung koordinasi ieu téh, nya éta dina raraga usaha pikeun ngaantisipasi insidén di Kabupatén Garut. dina mangsa miéling Poé Santri Nasional Taun 2018 sawatara waktu ka tukang. Tah ku kituna, dina éta silaturahmi jeung koordinasi téh, Wali Kota Sukabumi, Wakil Wali Kota Sukabumi, Dandim 0607 Kota Sukabumi, Kapolres Sukabumi Kota katut Ketua DPRD Kota Sukabumi, ngalaksanakeun dialog katut para Alim Ulama, Inohong Agama, Inohong Masarakat, Ormas Islam jeung OKP sarta pawakilan ti rupa-rupa élemén masarakat séjénna sa Kota Sukabumi, hususna nu aya kaitannana jeung usaha dina ngajaga jeung ngaronjatkeun kondusifitas wilayah Kota Sukabumi, nya éta aman, tengtrem, ayem jeung rukun.

Dina éta dialog téh, sakumna pihak boh para Alim Ulama katut Inohong Agama sarta Inohong Masarakat boh Ormas Islam jeung OKP sarta pawakilan ti rupa-rupa élemén masarakat séjénna sa Kota Sukabumi, sapamadegan arék saawasna usaha satékah polah ngajaga jeung ngaronjatkeun kondusifitas wilayah Kota Sukabumi tina rupa-rupa bentuk provokasi. Salian ti éta, ogé baris salawasna usaha satékah polah ngalokalisir insidén di Kabupatén Garut, sangkan teu nimbulkeun éfék riweuh di Kota Sukabumi, ku cara nyokot hikmah jeung palajaran tina éta insidén, sarta masrahkeun sapinuhna ka aparat anu wajib.

Tah ku sabab kitu, Wali Kota Sukabumi kalayan asmana Kapala Daérah katut Pamaréntah Kota Sukabumi sarta unsur FKPD Kota Sukabumi katut DPRD Kota Sukabumi, ngahaturkeun nuhun ka para Alim Ulama, Inohong Agama katut Inohong Masarakat, sarta Ormas Islam jeung OKP katut pawakilan ti rupa-rupa élemén masarakat séjénna sa Kota Sukabumi, anu sapamadegan arék salawasna usaha satékah polah ngajaga jeung ngaronjatkeun kondusifitas wilayah Kota Sukabumi tina rupa-rupa bentuk provokasi. Lantaran kondusifitas wilayah Kota Sukabumi téh kacida pentingna dijaga jeung dironjatkeun ku sakumna pihak, pikeun ngarojong kalancaran paékonomian jeung palaksanaan pangwangunan, sarta aktifitas sakumna élemén masarakat dina sagala widang.

Leave a Reply