PAMARÉNTAH KOTA SUKABUMI MEUNANG 3 LAYANG PANGAJÉN TI PAMARÉNTAH PROPINSI JAWA BARAT

Reporter / Redaktur : ENDANG SUMARDI

Pamaréntah Kota Sukabumi meunang 3 layang pangajén ti Pamaréntah Propinsi Jawa Barat, anu ngawengku ti juara pang hadéna kadua KPPD (Kinerja Panyalagaraan Pamaréntah Daérah) Tingkat Propinsi Jawa Barat, anu didasarkeun kana LPPD (Laporan Panyalagaraan Pamaréntahan Daérah) Taun 2017, sarta juara pang hadéna katilu TKKSD (Tim Koordinasi Kerja Sama Daérah) dina Pangajénan TKKSD Award, jeung Kacamatan Baros Juara Harepan Kahiji Lomba Sinergitas Kacamatan Tingkat Propinsi Jawa Barat Taun 2018.

Anapon pikeun layang pangajén juara pang hadéna kadua KPPD, dipasrahkeun ku Gubernur Jawa Barat, Ridwan Kamil, ka Asistén Pamaréntahan Setda Kota Sukabumi, Drs. H. Andri Setiawan, M.M., pikeun juara pang hadéna katilu TKKSD dipasrahkeun ka PLT (Palaksana Tugas) Asistén Paékonomian jeung Pangwangunan Setda Kota Sukabumi, Drs. H. Kostaman, M.M.,  jeung pikeun Juara Harepan Kahiji Lomba Sinergitas Kacamatan dipasrahkeun ka Camat Baros, Dra. Yunita Nusméri Sitepu, M.M., cindekna tanggal 13 Novémber 2018, di Aula Kulon Gedong Saté Bandung.

Asistén Pamaréntahan Setda Kota Sukabumi, Drs. H. Andri Setiawan, M.M. ngajelaskeun, LPPD Kota Sukabumi Taun 2017 ngacu kana Paraturan Pamaréntah Nomer 3 Taun 2007 ngeunaan LPPD, LKPJ (Laporan Katerangan Pananggung Jawaban) Kapala Daérah ka DPRD, jeung ILPPD (Informasi Laporan Panyalagaraan Pamaréntahan Daérah) ka masarakat, sarta sacara téhnis ngacu kana padoman Surat Ědaran Mendagri (Mentri Dalem Negri) RI ngeunaan Padoman Panyusunan LPPD Taun 2017.

Salian ti éta ogé dijelaskeun, hasil pangajénan Tim ĚKPPD (Ěvaluasi Kinerja Panyalagaraan Pamaréntah Daérah) Nasional kana LPPD Taun 2016, Kota Sukabumi ngarandapan undak anu kacida gedéna, sarta bisa mértahankeun kana panghontalan kategori prestasi anu kacida luhurna nya éta skorna 3,2075 dina LPPD Taun 2015, jeung panghontalan kategori prestasi kacida luhurna dina LPPD Taun 2016 nya éta skorna 3,2228, sarta nempatan urutan 11 Besar Nasional tina 98 Kota sa Indonésia.

Asistén Pamaréntahan Setda Kota Sukabumi ngaharepkeun, ku meunangna deui juara pang hadéna kadua KPPD téh, bisa mecut jeung ngahudangkeun sumanget sakumna aparatur di lingkungan Pamaréntah Kota Sukabumi, hususna dina ngaronjatkeun KPPD jeung LPPD. Sabab ku éta hal téh, KPPD jeung LPPD Kota Sukabumi dina saban taunna bisa ngaronjat sacara hadé, luyu jeung harepan sakumna pihak.

Leave a Reply