PALAYANAN HOMÉ CARÉ JEUNG AMBULANCE HARATIS PIKEUN MASARAKAT KOTA SUKABUMI

Reporter :  ARIF HIDAYAT

Editor : ENDANG SUMARDI

Palayanan Homé Caré atawa Palayanan Kaséhatan jeung Ambulance Haratis pikeun masarakat Kota Sukabumi, geus dilaunching ku Wali Kota Sukabumi, H. Achmad Fahmi, dina acara puncak Milang Kala Ka 54 HKN (Hari Kaséhatan Nasional) Tingkat Kota Sukabumi Taun 2018, di hareupeun Balé Kota Sukabumi, cindekna tanggal 25 Novémber 2018. Anapon anu hadir dina kasempetan éta, Wakil Wali Kota Sukabumi, unsur FKPD (Forum Komunikasi Pingpinan Daérah) Kota Sukabumi, Ketua DPRD Kota Sukabumi, Ketua katut Wakil Ketua TP PKK Kota Sukabumi, para Kapala OPD (Organisasi Parangkat Daérah), para Camat katut Lurah, Alim Ulama, Inohong Masarakat jeung Pamuda, sarta para tamu ondangan lianna.

Dina biantarana Wali Kota Sukabumi nandeskeun, rupa-rupa kagiatan dina raraga Milang Kala Ka 54 HKN Tingkat Kota Sukabumi Taun 2018 geus dilaksanakeun, sarta lumangsung hadé jeung lancar. Salajuna diharepkeun, éta rupa-rupa kagiatan téh, bisa nguatan Kota Sukabumi sabagé kota anu séhat, nya éta séhat lahir batin masarakatna jeung séhat pamaréntahna. Lian ti éta ogé ditandeskeun, dina acara puncak Milang Kala Ka 54 HKN Tingkat Kota Sukabumi Taun 2018 téh, Pamaréntah Kota Sukabumi ngalaunching program 100 poé gawé Wali Kota katut Wakil Wali Kota Sukabumi Pariodeu Taun 2018-2023 Widang Kaséhatan, nya éta homé caré. Wali Kota Sukabumi ngaharepkeun, ku dilaunchingna homé caré téh, masarakat Kota Sukabumi anu katarajang kasakit taya nu teu kadongkang ku dunya kaséhatan.

Salian ti éta, Pamaréntah Kota Sukabumi ogé ngalaunching Ambulance Haratis anu dibéré ngaran SIGAP, pikeun masarakat Kota Sukabumi, sarta dina taun 2018 ieu, Pamaréntah Kota Sukabumi nyiapkeun 6 unit Mobil Ambulance Haratis. Tah ku lantaran kitu, pikeun masarakat Kota Sukabumi anu ngabutuhkeun éta Mobil Ambulance Haratis téh, ka hareup bisa ngunduh Aplikasi Super (Sukabumi Participated Résponder) Pamaréntah Kota Sukabumi ngaliwatan HP Android, atawa kana Call Cénter Nomer 0 800 1000 119.

Dina kasempetan éta, Wali Kota Sukabumi masrahkeun Layang Pangajén ka Kapolres Sukabumi Kota, AKBP Susatyo Purnomo Condro, S.H., S.I.K., M.Si., ku dédikasi katut pahatiannana kana palayanan publik widang kaséhatan di Kota Sukabumi, SMP Negri 16 Kota Sukabumi sabagé juara ka 2 LSS (Lomba Sakola Séhat) Tingkat Nasional, TP UKS (Tim Pangbina Usaha Kaséhatan Sakola) Kota Sukabumi, TP UKS Kacamatan Warudoyong jeung Puskesmas Sukakarya, katut Apoték Ěrvix Médika jeung Apoték Annisya Farma sabagé juara kahiji jeung kadua Lomba Manajemen Apoték, sarta Bank BJB Cabang Sukabumi, PT Kimia Farma jeung Alvéro Alchéry, sabagé dunya usaha dina widang kaséhatan.

Saterusna ka juara lomba dina raraga Milang Kala Ka 54 HKN Tingkat Kota Sukabumi Taun 2018, nya éta RSUD (Rumah Sakit Umum Daérah) R. Syamsudin, S.H. Kota Sukabumi sabagé juara kahiji Lomba Kréasi, Lagu jeung Gerakkan 6 Léngkah Ngumbah Leungeun Kategori Rumah Sakit jeung Pukesmas, SMA Negri 3 Kota Sukabumi sabagé juara kahiji Lomba Paduan Soara Kategori Umum, IKP Puskesmas Nanggeléng sabagé juara kahiji Lomba Paduan Soara Kategori Kader, jeung Widang Yankes (Palayanan Kaséhatan) Dines Kaséhatan Kota Sukabumi sabagé juara kahiji Lomba Paduan Soara Kategori Dines jeung UPT Puskesmas, sarta RS Setukpa Bhayangkara sabagé juara kahiji Lomba Paduan Soara Kategori Rumah Sakit. Salajuna SD Negri Warudoyong sabagé juara kahiji Lomba Kréasi jeung Gerakkan 6 Léngkah Ngumbah Leungeun Kategori  SD, jeung SMP Negri 12 Kota Sukabumi sabagé juara kahiji Lomba Kréasi jeung Gerakkan 6 Léngkah Ngumbah Leungeun Kategori SMP.

Leave a Reply