WALIKOTA SUKABUMI NGISTRÉNAN 69 URANG PAJABAT ĚSÉLON III JEUNG IV

Reporter :  ARIF HIDAYAT

Editor      : ENDANG SUMARDI

Wali Kota Sukabumi, H. Achmad Fahmi, poé Jumaah, 7 Désémber 2018, di Gedong Juang 45 Kota Sukabumi, nyumpah sakaligus ngistrénan 69 urang Pajabat Ěsélon III jeung IV di lingkungan Pamaréntah Kota Sukabumi. Diantarana Kapala Bagian Humas (Hubungan Masarakat) jeung Protokol Setda Kota Sukabumi, Punjul Saépul Hayat, S.STP., M.Si., Kapala Bagian Tata Pamaréntahan Setda Kota Sukabumi, Téjo Condro Nugroho, A.P., M.T., Sekertaris Bappeda (Badan Parancanaan Pangwangunan Daérah) Kota Sukabumi, H. Andang Tjahjandi, S.T., M.K.M., Sekertaris Diskominfo (Dines Komunikasi jeung Informatika) Kota Sukabumi, Kurnia Rahmandani, S,IP., Sekertaris Dines Kaséhatan Kota Sukabumi, Drs. H. Didin Syarifudin, M.Si., Sekertaris DKP3 (Dines Katahanan Pangan, Patanian jeung Paikanan) Kota Sukabumi, Fajar Muharam, S,Pd., Sekertaris Disdalduk, KB, P3A jeung PM (Dines Pangadalian Padumuk, Kulawarga Berencana, Pangbardayaan Perempuan, Palindungan Anak jeung Pangbardayaan Masarakat) Kota Sukabumi, dr. Hj. Rita Fitrianingsih, M.Kes., sarta Sekertaris Dines Pendidikan jeung Kabudayaan) Kota Sukabumi, Mohammad Hasan Asari, S.Pd., M.Pd. Salajuna Lurah Dayeuhluhur Kacamatan Warudoyong, Sudrajat, Lurah Cikodang Kacamatan Citamiang, Asép Rismawanto, S.H., sarta Kapala Séksi Integrasi Data Ě-Government Diskominfo Kota Sukabumi, Maulana Farid Hasanuddin, S.Kom.

Hadir dina kasempetan éta, Wakil Walikota Sukabumi, unsur FKPD (Forum Komunikasi Pingpinan Daérah) Kota Sukabumi, PLT (Palaksana Tugas) Sekertaris Daérah Kota Sukabumi, Ketua DWP (Dharma Wanita Persatuan) Kota Sukabumi, para Asistén Daérah Setda Kota Sukabumi, para Kapala OPD (Organisasi Parangkat Daérah), para Camat jeung Lurah, sarta para tamu ondangan séjénna.

Dina biantarana, Wali Kota Sukabumi ngawilujengkeun mancén gawé ka 69 urang Pajabat Ěsélon III jeung IV di lingkungan Pamaréntah Kota Sukabumi, anu geus disumpah sakaligus diistrénan sacara resmi, sarta sangkan salawasna usaha satékah polah ngahontal prestasi anu sahadé-hadéna. Lian ti éta, Wali Kota Sukabumi ngaharepkeun, supaya éta jabatan anu geus diamanahkeun téh, bisa ngaronjatkeun sumanget jeung motivasi, dina ngabdikeun diri ka pamaréntah jeung masarakat, pikeun ngawujudkeun kahirupan masarakat Kota Sukabumi ka nu leuwih hadé deui. Tah ku sabab kitu, sakumna pajabat di lingkungan Pamaréntah Kota Sukabumi. kudu ngabogaan inisiatif sarta mampuh nyiptakeun rupa-rupa program anu inovatif, anu bisa jadi solusi atawa jalan kaluar anu hadé dina ngaréngsékeun rupa-rupa program jeung pasualan di masarakat, hususna di SKPD (Satuan Kerja Parangkat Daérah)-na masing-masing.

Leave a Reply