BAGIAN HUKUM SETDA KOTA SUKABUMI MEUNANG LAYANG PANGAJÉN PANG HADÉNA KADUA JDIHN TAUN 2018

Reporter / Editor : ENDANG SUMARDI

Pamaréntah Kota Sukabumi ngaliwatan Bagian Hukum Setda Kota Sukabumi, meunang Layang Pangajén Pang Hadéna Kadua ti BPHN (Badan Pangbinaan Hukum Nasional) Kamentrian Hukum jeung HAM (Hak Asasi Manusa) RI, sabagé Anggota Pang Hadéna adena JDIHN (Jaringan Dokuméntasi jeung Informasi Hukum Nasional) Taun 2018, kategori Pamaréntah Kota. Layang Pangajén anu ditarima ku Wali Kota Sukabumi, H. Achmad Fahmi téh, dipasrahkeun ku Kapala BPHN Kamentrian Hukum jeung HAM RI, Bénny Riyanto, cindekna tanggal 10 Désémber 2018, dina acara miéling Poé HAM Taun 2018, di Swiss-Bélhotél Jakarta, cindekna tanggal 10 Désémber 2018. Anapon para pajabat anu hadir marengan Wali Kota Sukabumi dina panarimaan éta layang pangajén téh, diantarana Asistén Pamaréntahan Setda Kota Sukabumi, Drs. H. Andri Setiawan, M.M., sarta Kapala Bagian Hukum Setda Kota Sukabumi, Ěén Rukmini, S.H., M.H. katut réngréngannana.

Dina kasempetan éta, Wali Kota Sukabumi ngajelaskeun, JDIH téh jadi sala sahiji puseur informasi jeung édukasi ngeunaan hukum pikeun masarakat, anu ahirna masarakat bisa ngaronjatkeun kasadaran jeung pangaweruhna ngeunaan rupa-rupa produk hukum, boh Perda (Peraturan Daérah) boh Perwal (Peraturan Wali Kota) sarta paraturan jeung undang-undang lianna. Wali Kota Sukabumi ngaharepkeun, ku meunangna éta layang pangajén téh, bisa mertahankeun sakaligus ngaronjatkeun jeung ngamekarkeun JDIH, pikeun ngagampangkeun masarakat dina mangsa ngaaksés palayanan rupa-rupa produk hukum di Kota Sukabumi.

Sedengkeun saméméhna, JDIH Bagian Hukum Setda Kota Sukabumi téh, meunang gelar juara pang hadéna kahiji sa Jawa Barat, sarta meunang JDIH Award Taun 2018. Ěta layang pangajén téh dipasrahkeun ku Mentri Hukum jeung HAM RI, Yasonna H. Laoly, dibarengan ku Gubernur Jawa Barat, Ridwan Kamil, ka Asistén Pamaréntahan Setda Kota Sukabumi, Drs. H. Andri Setiawan, M.M., dina acara Paresmian 147 Désa jeung Kalurahan Sadar Hukum, sarta Pangukuhan Forum Palajar Sadar Hukum jeung HAM, sakaligus Pangistrénan Duta Palajar Sadar Hukum jeung HAM, cindekna tanggal 25 Oktober 2018, di Aula Gedong Saté Bandung. Wali Kota Sukabumi ngajelaskeun, meunangna kadua éta layang pangajén JDIH téh, ngarupakeun hasil gawé rancagé sakumna pagawé Bagian Hukum Setda Kota Sukabumi jeung OPD (Organisasi Parangkat Daérah) nu aya kaitannana. Tah ku éta hal téh, Wali Kota Sukabumi ngahaturkeun nuhun jeung aprésiasi anu saluhur-luhurna ka sakumna Kulawarga Besar Bagian Hukum Setda Kota Sukabumi jeung OPD nu aya kaitannana, anu geus usaha satékah polah ngaronjatkeun jeung ngamekarkeun JDIH di Kota Sukabumi, anu pamustungannana meunang kadua éta layang pangajén.

Leave a Reply