PAMARÉNTAH KOTA SUKABUMI NYANGKING LAYANG PANGAJÉN TOP 25 SP4N É-LAPOR

Reporter : RIKSAN SATYAPRAWIRA

Ěditor      : ENDANG SUMARDI

Pamaréntah Kota Sukabumi hasil nyangking prestasi sabagé sala sahiji panarima Layang Pangajén Top 25 SP4N (Sistim Pangalolaan Pangaduan Palayanan Publik Nasional) é-Lapor, anu dipasrahkeun ku Deputi Palayanan Publik KemenPAN-RB (Kementrian Pandayagunaan Aparatur Nagara jeung Réformasi Birokrasi) RI, Diah Natalisa, ka Wali Kota Sukabumi, H. Achmad Fahmi, cindekna di Batam Kapulowan Riow, cindekna tanggal 10 Désémber 2018, dina acara Panganugrahan Kompetisi SP4N é-Lapor Taun 2018. Sedengkeun para pajabat anu marengan Wali Kota Sukabumi dina narima éta layang pangajén téh, nya éta Kapala Diskominfo (Dines Komunikasi jeung Informatika) Kota Sukabumi, Drs. H. Gabril Sukarman, M.Pd., Kapala Bagian Paékonomian, Pangwangunan jeung Gawé Bareng Daérah Setda Kota Sukabumi, Rahmat Sukandar, S.Si., M.T., M.Sc., sarta Kapala Widang Pangalolaan Informasi Publik jeung Statistik Diskominfo Kota Sukabumi, Tantan Sontani, S.IP., M.Si.

Wali Kota Sukabumi, H. Achmad Fahmi ngajelaskeun, Pamaréntah Kota Sukabumi ngaliwatan Diskominfo Kota Sukabumi nerapkeun SP4N é-Lapor ti mimiti taun 2017, sarta dina éta Kompetisi SP4N é-Lapor téh kudu tarung jeung 303 Pamaréntah Daérah Kota jeung Kabupatén sa Indonésia. Anapon indikator pangajénan anu diterapkeun dina éta Kompetisi SP4N é-Lapor téh, diantarana kacepetan dina ngaréspon kana satiap aspirasi jeung pangaduan anu ditepikeun ku masarakat ngaliwatan SP4N é-Lapor, boh ngaliwatan SMS 1708 boh ngaliwatan www.lapor.go.id Pamaréntah Kota Sukabumi, anu saméméhna geus diaku sabagé sala sahiji Bést Practice é-Lapor dina nguntun koordinasi jeung satiap SKPD (Satuan Kerja Parangkat Daérah) di lingkungan Pamaréntah Kota Sukabumi.

Salajuna dijelaskeun, KemenPAN-RB RI nganyatakeun, yén éta layang pangajén téh ngrupakeun bentuk aprésiasi ka sakumna pihak anu nerapkeun SP4N é-Lapor, anu nepi kla bulan Méi 2018 digunakeun ku 811 instansi, anu ngawengku ti Kamentrian, BUMN, Paguron Luhur, Lembaga Nagara jeung Pawakilan RI di luar nagri. Disagigireun ti éta ogé dijelaskeun, dina acara panganugrahan éta layang pangajen téh, diluncurkeun pangbalajaran panggunaan SP4N Lapor sacara éléktronik, ku KemenPAN-RB RI.

Ku dicangkingna éta Layang Pangajén Top 25 SP4N é-Lapor téh, Wali Kota Sukabumi ngahaturkeun nuhun ka sakumna lapisan masarakat, anu geus ngajadikeun é-Lapor Pamaréntah Kota Sukabumi sabagé tempat panyaluran aspirasi jeung pangaduan dina sagala widang. Salian ti éta, ogé ka sakumna SKPD di lingkungan Pamaréntah Kota Sukabumi, anu geus ngaréspon sacara cepet jeung tepat kana satiap aspirasi jeung pangaduan ti masarakat.

Leave a Reply