WALI KOTA SUKABUMI GEUS NGALAUNCHING APLIKASI SUPER PAMARÉNTAH KOTA SUKABUMI

Reporter :  ARIF HIDAYAT

Editor      : ENDANG SUMARDI

Wali Kota Sukabumi, H. Achmad Fahmi, geus ngalaunching sacara resmi Aplikasi Super (Sukabumi Participatéd Réspondér) Pamaréntah Kota Sukabumi, cindekna tanggal 17 Désémber 2018, di Hotél Maxoné Kota Sukabumi. Hadir dina kasempetan éta, Ketua TP PKK Kota Sukabumi, para Kapala OPD (Organisasi Parangkat Daérah), para Camat jeung Lurah, pawakilan ti Bappeda (Badan Parancanaan Pangwangunan Daérah) Baubau Provinsi Sulawesi Tenggara, sarta para tamu ondangan lianna.

Dina biantarana Wali Kota Sukabumi ngajelaskeun, Aplikasi Super téh ngarupakeun inisiatif Pamaréntah Kota Sukabumi jeung Program Gawé 100 Poé Gawé Wali Kota katut Wali Kota Sukabumi Pariodeu Taun 2018-2023, dina raraga nyadiakeun sarana laporan jeung pengaduan sacara padu sarta babari diaksés ku sakumna masarakat Kota Sukabumi. Saterusna dijelaskeun, Aplikasi Super téh sifatna mobil, ngalibetkeun ilu biung publik jeung sifatna dua arah. Tah ku sabab kitu, dina éta aplikasi téh, masarakat bisa ngalaksanakeun interaksi jeung Pamaréntah Kota Sukabumi sacara interaktif jeung sacara online, anu prinsipna gampang jeung padu, pikeun ngawaskeun pangwangunan jeung palayanan publik di Kota Sukabumi.

Salian ti éta ogé dijelaskeun, Aplikasi Super téh nyambung jeung sakumna SKPD (Satuan Kerja Parangkat Daérah) di lingkungan Pamaréntah Kota Sukabumi, sarta kaintegrasi langsung jeung Aplikasi é-Lapor Pamaréntah Kota Sukabumi, nya éta LAPOR.go.id., anu ahirna satiap laporan jeung pangaduan atawa kiritikan jeung saran ti masarakat bisa dibaca jeung ditarima sarta bisa diréspon ku SKPD masing-masing nu aya kaitannana. Sabab pasualan di lapangan baris béda-béda, sarta saupama aya laporan atawa pangaduan ti masarakat sacara umum, oprator kudu bisa langsung ngaréspon jeung ngajawab sakaligus ngajelaskeun, luyu jeung kapasitas katut Tupoksi (Tugas Poko jeung Fungi) SKPD masing-masing, atawa diteruskeun ka SKPD nu aya tumalina, saupama salah tujuan.

Anapon cara ngagunakan éta aplikasi téh, nya éta ngainstal aplikasi di playstoré maké ngaran SUPER : Sukabumi Participatéd Réspondér, Tampilan Aplikasi, Registrasi jeung Login. Sedengkeun cara nepikeun atawa ngasupkeun laporan jeung pangaduan kana éta aplikasi téh, teken Tombol Nyieun Laporan, saterusna baris muncul Tampilan Nyieun Laporan, terus teken Tampilan Tombol Panik jeung salajuna baris muncul Tampilan Tombol Panik.

Leave a Reply