SELÉKSI LANJUTAN CALON DIRUT PDAM TBW KOTA SUKABUMI GEUS DILAKSANAKEUN

Reporter/Redaktur/Editor : ENDANG SUMARDI

Kapala Bagian Paékonomian, Pangwangunan jeung Kerjasama Daérah Setda Kota Sukabumi, Rahmat Sukandar, S.Si., M.T., M.Sc. salaku Panata Calagara Seléksi Calon Dirut (Diréktur Utama) PDAM (Pausahaan Daérah Air Minum) TBW (Tirta Bumi Wibawa) Kota Sukabumi ngungkabkeun, Seléksi Lanjutan Calon Dirut PDAM TBW Kota Sukabumi Mangsa Jabatan Taun 2019-2023 geus dilaksanakeun salila 3 poé, cindekna ti tanggal 21 nepi ka tanggal 23 Fébruari 2019 nu anyar kaliwat, di wewengkon Cianjur.

Anapon maksud jeung tujuan dilaksanakeunnana Seléksi Lanjutan Calon Dirut PDAM TBW Kota Sukabumi di wewengkon Cianjur téh, supaya sakumna réngréngan panata calagara jeung pamilon seléksi bisa leuwih fokus sarta nétralitas bisa dijaga, anu pamustungannana bisa ngahasilkeun Calon Dirut PDAM TBW Kota Sukabumi anu pang hadéna. Sabab saupama dilaksanakeun di wewengkon Kota Sukabumi bisa kurang focus, lantaran sakumna réngréngan Panata Calagara Seléksi Calon Dirut PDAM TBW Kota Sukabumi ngabogaan kagiatan lain, anu panustrungannana bisa ngagangu kana palaksanaan tugas dina ngalaksanakeun Seléksi Lanjutan Calon Dirut PDAM TBW Kota Sukabumi.

Saterusna diungkabkeun, sakumna tahapan seléksi ti mimiti psikotés, tés tinulis jeung pamaparan rancana bisnis nepi ka wawancara dilaksanakan di Cianjur. Sedengkeun pikeun ngaréngsékeunnna dilaksanakeun di Kota Sukabumi. Leuwih jauh diungkabkeun, éta seléksi téh diiluan ku 10 urang pamilon anu lolos seléksi administrasi, nya éta Abdul Kholik Padjawani, Ahmad Ridwan, A. Idun Suwarna, Asép Apudin, Cécé, Dédi Setiadi, Haki Yusdinar, Indra Sundawan, Ivan Rahmawan jeung Jumali.

Kapala Bagian Paékonomian, Pangwangunan jeung Kerjasama Daérah Setda Kota Sukabumi ngajelaskeun, sanggeus sakumna tahapan seléksi dilaksanakeun ku Panata Calagara Seléksi, ka 10 urang pamilon éta seléksi téh baris dicokot 3 urang pang hadéna, sarta baris dirékoméndasikeun ka Kapala Daérah, pikeun salajuna dipilih jadi Dirut PDAM TBW Kota Sukabumi.

Disagigireun ti éta ogé dijelaskeun, dilaksanakeunnana Seléksi Calon Dirut PDAM TBW Kota Sukabumi Mangsa Jabatan Taun 2019-2023 téh, luyu jeung katangtuan Paraturan Pamaréntah Nomer 54 Taun 2017 ngeunaan BUMD (Badan Usaha Milik Daérah), Paraturan Mentri Dalem Negri Nomer 37 Taun 2018 ngeunaan Pangangkatan jeung Ngeureunkeun Anggota Déwan Pangawas atawa Anggota Komisaris jeung Anggota Diréksi BUMD, sarta Paraturan Daérah Kota Sukabumi Nomer 3 Taun 2009 ngeunaan PDAM TBW Kota Sukabumi.

Leave a Reply