DINA ÉRA KOMTÉMPORÉR PANGWANGUNAN PERLU NYANGHAREUPKEUN ASPÉK IPTĚKIN

Reporter/Redaktur/Editor : ENDANG SUMARDI

Wakil Wali Kota Sukabumi, H. Andri S. Hamami, S.H., M.H. nandeskeun, dina éra komtémporér, pangwangunan perlu nyanghareupkeun aspék pamangpaatan IPTĚKIN (Ilmu Pangatahuan, Téknologi jeung Inovasi), sabagai faktor pikeun ngabentuk daya saéng jeung innovation-driven development. Ěta panandesan Wakil Wali Kota Sukabumi téh, ditepikeun dina biantara basa muka sacara resmi Sosialisasi Panguatan SIDa (Sistim Inovasi Daérah) Widang Panalitian jeung Pangembangan, di Hotél Maxoné Sukabumi.

Hadir dina kasempetan éta, para Asistén Daérah Setda Kota Sukabumi, para Kapala SKPD (Satuan Kerja Parangkat Daérah),  pawakilan Paguron Luhur jeung para tamu ondangan lianna. Anapon nu jadi nara sumber dina éta sosialisasi téh, nya éta ti Balé Panalitian jeung Pangembangan Kamentrian Dalem Negri, sarta ti Badan Panalitian jeung Pangembangan Provinsi Jawa Barat.

Saterusna ditandeskeun, kagiatan inovasi daérah tujuannana pikeun ngaronjatkeun kinerja panyalagaraan pamaréntahan daérah, anu sasarannana pikeun ngahangkeutkeun ngawujudna kasajahtraan masarakat, ngaliwatan paningkatan palayanan publik, pangbardayaan jeung ilubiung masarakat, katut paningkatan daya saéng daérah. Ku sabab kitu, Pamaréntah Daérah ngabogaan tugas pikeun ngawangun jeung nguatan sistim inovasi daérah, sabagé landesan kinerja pangwangunan anu ngabogaan basis inovasi. Salian ti éta ogé ditandeskeun, SIDa ngarupakeun rarangka pikeun ngawangun sinergi antara pamaréntah, swasta, paguron luhur jeung sakumna pamangku kapentingan, hususna nu aya kaitannana jeung pandayagunaan Ipték (Ilmu Pangatahuan jeung Téknologi) sarta inovasi dina pangwangunan daérah.

Salajuna ditandeskeun, Pamaréntah Kota Sukabumi ngabogaan komitmen jadi wewengkon kota anu maju jeung ngabogaan basis Ipték sacara sistematik, pikeun ngawujudkeun tata kalola pamaréntahan anu hadé jeung inovatif. Ku lantaran kitu, SIDa anu geus diterapkeun jeung dimekarkeun di Kota Sukabumi, dipuseurkeun kana tumuwuhna ékonomi masarakat, ngaliwatan intervénsi téknologi widang patanian, paternakan jeung séktor industri anu ngabogaan basis masarakat, dina ngaronjatkeun ajén tambah hiji produk. Disagigireun ti éta, ogé diwangun aplikasi anu ngabogaan android, ku ngamangpaatkeun ICT (Information and Communication Téchnologies), pikeun ngaréspon bangbaluh jeung ngareungeukeun aspirasi, sarta sabagé wadah komunikasi masarakat jeung pamaréntah sacara dua arah, anu tujuannana pikeun nyiptakeun iklim daérah anu kondusif, hususna pikeun aktifitas pamaréntahan, ékonomi masarakat jeung dunya usaha, sarta pikeun ngawujudkeun panguatan sistim inovasi daérah, anu dilaksanakeun ngaliwatan panataan daya dukung, unsur organoisasi, rarangka regulasi jeung internalisasi budaya inovasi.

Leave a Reply