WALI KOTA SUKABUMI KAPILIH JADI NARA SUMBER DINA PMNSF TAUN 2019

Reporter/Redaktur/Editor : ENDANG SUMARDI

Wali Kota Sukabumi, H. Achmad Fahmi, anyar-anyar ieu kapilih jadi nara sumber dina PMNSF (Pamingpin Muda Nusantara Strategic Forum) Taun 2019, pikeun ngainspirasi 100 urang delegasi pamuda sa nusantara. Kagiatan anu lumangsung di Rohangan Raflésia LPMP (Lembaga Pangjaminan Mutu Pendidikan) DKI Jakarta, Jalan Nangka Raya Nomer 60 Tj. Bar. Jagakarsa Kota Jakarta Selatan téh, ngangkat téma Inspirasi Pamingpin Muda Nusantara Ngawangun Bangsa jeung Nagara.

PMNSF ieu téh ngarupakeun sala sahiji évent kapemudaan nasional, pikeun ngajak budak ngora poténsial ti sakuliah nusantara, sakaligus pikeun nampung aspirasi pamuda ti 34 provinsi sa Indonésia, pikeun tepung, silih ngainspirasi, babarengan, sauyunan jeung nyiapkeun diri pikeun jadi para pamingpin ngora nusantara dina mangsa nu bakal datang. Salian ti éta, ogé pikeun ngadu gagasan, tumanya jeung madungdengkeun sakaligus babaregan jeung gawé bareng, sarta nepikeun kahayang, masalah jeung poténsi pangwangunan di satiap daérahna masing-masing.

Dina kasempetan éta, Wali Kota Sukabumi ngajelaskeun, pamuda téh ngarupakeun sosok anu kudu mampuh jadi kareueus pikeun sakumna pihak, bob pamaréntah boh masarakat, sarta kudu aktif dina rupa-rupa organisasi kapamudaan, pikeun nangtukeun karakter. Anu teu éléh penting, pamuda kudu énergik sarta kudu bisa ngalipetgandakeun poténsi jeung kamampuhan anu dipibanda ku masing-masing pamuda.

Wali Kota Sukabumi ogé ngajelaskeun ngarasa reueus ka sakumna pamilon PMNSF Taun 2019, lantaran datang ti suklakna ti siklukna nusantara anu jarakna cukup jauh. Disagigireun ti éta, Wali Kota Sukabumi ogé nyaritakeun ngarasa salut, lantaran sakumna calon pamingpin Indonésia nu bakal datang, bisa diajar jeung ngasah kamampuhannana, di Rohangan Raflésia LPMP DKI Jakarta.

Salajuna diharepkeun, para delegasi pamuda anu datang ti suklakna ti siklukna nusantara téh, bisa ngalaksanakeun rancana aksi di daérahna masing-masing. Anapon konci suksés pikeun para pamuda téh, nya éta disiplin jeung ngabogaan integritas anu luhur. Lian ti éta, pamuda téh dimana waé ogé kudu ngabogaan karya jeung prestasi, sarta kudu meunang ijin jeung doa ti kolot hususna ti indung, sabagé pangbuka panto kasuksésan.

Leave a Reply