WALI KOTA SUKABUMI JEUNG WAKIL WALI KOTA SUKABUMI NGALAKSANAKEUN PANYOBLOSAN DI TPS-NA MASING-MASING

Reporter/Redaktur/Editor : ENDANG SUMARDI

Wali Kota Sukabumi, H. Achmad Fahmi jeung Wakil Wali Kota Sukabumi, H. Andri S. Hamami, S.H., M.H. katut garwana jeung kulawargana, ngalaksanakeun panyoblosan ka para calon pamilon Pamilu (Pamilihan Umum) Bareng Taun 2019, nya éta Pamilu Persidén jeung Wakil Persidén RI katut Pamilu Anggota DPR RI, DPD RI, DPRD Provinsi Jawa Barat jeung DPRD Kota Sukabumi, di TPS (Tempat Pamungutan Soara)-na masing-masing, nya éta di wewengkon Kalurahan Lembursitu Kacamatan Lembursitu Kota Sukabumi jeung di Kalurahan Gunung Parang Kacamatan Cikolé Kota Sukabumi.

Saréngséna ngalaksanakeun panyoblosan, Wali Kota Sukabumi jeung Wakil Wali Kota Sukabumi katut unsur FKPD (Forum Komunikasi Pingpinan Daérah) Kota Sukabumi, PLT (Palaksana Tugas) Sekda (Sekertaris Daérah) Kota Sukabumi, para Asistén Daérah Setda Kota Sukabumi jeung para Kapala OPD (Organisasi Parangkat Daérah) sarta instansi jeung lembaga nu aya kaitannana, ngalaksanakan panalingaan ka sajumlah TPS di Kota Sukabumi, pikeun niténan sacara langsung palaksanaan pamungutan soara dina éta Pamilu.

Salian ti éta, ogé niténan kasiapan para Panyalagara Pamilu, anu ngawengku ti Bawaslu (Badan Pangawas Pamilu), KPU (Komisi Pamilihan Umum), PPK (Panitia Pamilu Kacamatan), PPS (Panitia Pamungutan Soara), KPPS (Kelompok Panyalagara Pamungutan Soara), PPL (Pangawas Pamilu Lapangan), Pamsung (Pangamanan Langsung) jeung Pamyah (Pangamanan Wilayah), Aparat Kapulisian jeung TNI, sarta Aparat Wilayah Kacamatan jeung Kalurahan dina ngawal palaksanaan éta Pamilu.

Dina kasempetan éta, Wali Kota Sukabumi ngajelaskeun, palaksanaan pamungutan soara dina éta Pamilu téh, hususna di wewengkon Kota Sukabumi, dina umumna lumangsung hadé jeung lancar, sarta aman, tartib jeung rukun, sabab dilaksanakeun luyu jeung asas Pamilu, nya éta LUBÉR (Langsung, Umum, Bébas jeung Rahasiah) sarta Jurdil (Jujur jeung Adil).

Sedengkeun sapoé saméméhna, Wali Kota Sukabumi jeung Wakil Wali Kota Sukabumi katut unsur FKPD Kota Sukabumi, marengan Kapolda Jabar, Irjén Pol. Drs. Agung Budi Maryoto, M.Si. jeung Pangdam III Siliwangi, Mayjén TNI Tri Soéwandono, ngalaksanakeun panalingaan ka TPS 09 Kalurahan Kebonjati Kacamatan Cikole Kota Sukabumi jreung ka Pos Pangamanan Pamilu di Gedong Juang 45 Kota Sukabumi, ngagunakeun motor, ngecék kasiapan jeung pangamanan Pamilu di Kota Sukabumi.

Leave a Reply