RÉBUAN MASARAKAT KOTA SUKABUMI MILU PAWÉY TAARUF TARHIB ROMADHON TAUN 1440 HIJRIYAH

Reporter : ARIF HIDAYAT

Redaktur/Editor : ENDANG SUMARDI

Rébuan masarakat Kota Sukabumi, poé Saptu, 4 Méi 2019, milu Apél Wahdatul Ummah jeung Pawéy Taaruf Tarhib Romadhon atawa Pawéy Gumbira Mapag Bulan Suci Romadhon Taun 1440 Hijriyah, anu dicalagarakeun ku Pamaréntah Kota Sukabumi, gawé bareng jeung MUI (Majelis Ulama Indonésia) Kota Sukabumi. Ěta pawéy téh dilepas sacara resmi ku Wali Kota Sukabumi, H. Achmad Fahmi, di Jalan R. Syamsudin, S.H., cinderkna di hareupeun Balé Kota Sukabumi.

Hadir dina kasempetan éta, Asistén Deputi Paningkatan Kréatipitas Pamuda Deputi Widang Pangbardayaan Pamuda Kemenpora (Kementerian Pamuda jeung Olahraga) RI, Drs. Djunaédi, M.Si., Wakil Wali Kota Sukabumi, H. Andri S. Hamami, S.H., M.H., Unsur FKPD (Forum Komunikasi Pingpinan Daérah) Kota Sukabumi, Pingpinan DPRD Kota Sukabumi, Ketua TP PKK katut DWP (Dharma Wanita Pasatuan) Kota Sukabumi, sarta para tamu ondangan lianna.

Anapon pamilon éta pawéy téh, ngawengku Marching Band, Barisan Palajar nu Mawa Bandéra Mérah Putih jeung Bandéra MUI Kota Sukabumi, saterusna Barisan Pamilon Pawéy ti 7 Kacamatan sa Kota Sukabumi, anu ngawengku ti Muspika (Musawarah Pingpinan Kacamaran), para Guru, Kader Ulama, Majelis Talim, Palajar jeung Ormas Islam. Sedengkan ruteu éta pawéy téh, nya éta start ti Jalan R. Syamsudin, S.H. cindekna ti hareupeun Balé Kota Sukabumi, jeung finish di Lapangan Merdéka Kota Sukabumi.

Salian ti ngalepas sacara resmi Pawéy Taaruf Tarhib Romadhon, Wali Kota Sukabumi ogé ngukuhkeun sacara resmi Patugas Patroli Simpatik Bulan Suci Romadhon Taun 1440 Hijriyah, anu ngawengku ti MUI Kota Sukabumi, Polres Sukabumi Kota, Dines Sat Pol PP (Satuan Polisi Pamong Praja) Kota Sukabumi sarta Kodim 0607 Kota Sukabumi, pikeun ngajaga kaamanan, kaayeman, kasucian jeung kamulyaan Bulan Suci Romadhon Taun 1440 Hijriyah.

Dina biantarana, Wali Kota Sukabumi, H. Achmad Fahmi kalayan asmana Kapala Daérah katut Unsur FKPD Kota Sukabumi, ngawilujengkeun ngalaksanakeun Ibadah Saum Taun 1440 Hijriyah ka sakumna umat Islam, sakaligus neda dihampura tina sagala rupa kasalahan, kakurangan jeung kahilapan, sarta ucapan jeung tindakan anu teu luyu, boh sacara pribadi boh sacara kadinesan.

Sedengkeun Asistén Deputi Paningkatan Kréatipitas Pamuda Deputi Widang Pangbardayaan Pamuda Kemenpora RI, Drs. Djunaédi, M.Si., dina biantarana ngajelaskeun, ajén sala saurang jalma gumantung kana kaimanan jeung katakwaannana sarta élmu pangaweruhna jeung kréatipitasna. Salajuna ngajelaskeun, kagiatan ieu pawéy téh ngarupakeun kagiatan anu kacida hadéna sarta moménna kacida tepatna dina mapag Bulan Suci Romadhon Taun 1440 Hijriyah. Lian ti éta ogé ngaharepkerun, ku ayana ieu pawéy téh, bisa ngarojong kana ngawujudna Kota Sukabumi anu Réligieus, Ayem jeung Sajahtra.

Leave a Reply