PAMARÉNTAH KOTA SUKABUMI NYALAGARAKEUN BUBOS TAUN 1440 HIJRIYAH

Reporter/Redaktur/Editor : ENDANG SUMARDI

Pamaréntah Kota Sukabumi nyalagarakeun Bubos (Buka Bareng on the Stréét) Taun 1440 Hijriyah, anyar-anyar ieu, di Taman Alun-Alun Masjid Agung Kota Sukabumi. Hadir dina kasempetan éta, Wali Kota Sukabumi, H. Achmad Fahmi, Wakil Wali Kota Sukabumi, H. Andri S. Hamami, S.H., M.H., Dandim 0607 Kota Sukabumi, Létkol Kav. Mujahidin, S.Sos., Ketua TP PKK Kota Sukabumi, Hj. Fitri Hayati Fahmi, S.Ag., M.M.Pd., para Kapala OPD (Organisasi Parangkat Daérah), para Diréktur BUMN jeung BUMD, para Camat jeung Lurah, Alim Ulama, Inohong Masarakat jeung Pamuda, Tukang Béca, Kusir Délman, Patugas Kabersihan jeung élemén masarakat lianna.

Dina kasempetan éta, Gubernur Jawa Barat, Ridwan Kamil, nanya masarakat di 27 kota jeung kabupatén sa Jawa Barat, ngaliwatan vidéo conferénce, Ěta hal téh dilaksanakeun, sabagé sala sahiji bentuk komunikasi langsung antara Gubernur Jawa Barat jeung masarakat di 27 kota jeung kabupatén sa Jawa Barat.

Sedengkeun Wali Kota Sukabumi, H. Achmad Fahmi ngajelaskeun, kagiatan anu dilaksanakeun bareng di 27 kota jeung kabupatén sa Jawa Barat téh, nunjukkeun yén sakumna kota jeung kabupatén di Jawa Barat ngarupakeun sala sahiji kulawarga besar anu teu bisa dipisahkeun. Salian ti éta, kagiatan Bubos ieu téh ngarupakeun sumanget pikeun silaturohim jeung komunikasi katut sakumna lapisan masarakat.

Salajuna dijelaskeun, kagiatan Bubos ieu téh, di Kota Sukabumi dilaksanakeun ti isuk ngeluk, sarta dieusi ku rupa-rupa palayanan ka masarakat. Diantarana Program Si Jempol (Siap Jemput Bola) Palayanan Nyieun Dokumén jeung Adminduk (Administrasi Kapadumukan) Disdukcapil (Dines Kapadumukan jeung Panyatetan Sipil) Kota Sukabumi, palayanan kaséhatan ku Dines Kaséhatan Kota Sukabumi, sarta nukeuran duit ku Bank BJB Cabang Kota Sukabumi jeung sajabana.

Disagigireun ti éta, ogé dilaksanakeun rupa-rupa lomba kaagamaan, diantarana lomba adzan, dakwah cilik jeung lomba bedug, sabagé sala sahiji bentuk rasa sukur, yén wewengkon Kota Sukabumi jeung Provinsi Jawa Barat tetep dina kaayaan konduif, nya éta aman, tengtrem, ayem jeung rukun.

Leave a Reply