RÉALISASI PANARIMAAN ZAKAT FITRAH JEUNG INFAQ TAUN 1440 HIJRIYAH NGAHONTAL RP. 2.271.068.664,00

Reporter/Redaktur/Editor : ENDANG SUMARDI

Sakumaha anu diungkabkeun ku Ketua Baznas (Badan Amil Zakat Nasional) Kota Sukabumi, Ir. H. Fifi Kusumajaya, M.M., Réalisasi Panarimaan Zakat Fitrah jeung Infaq Taun 1440 Hijriyah anu ditarima ku Baznas Kota Sukabumi, sagemblengna ngahontal Rp. 2.271.068.664,00, atawa ngarandapan undak gedéna 20 peresén ti taun 1439 Hijriyah, nya éta gedéna Rp. 389.248.944,00.

Ketua Baznas Kota Sukabumi ngajelaskeun, Réalisasi Panarimaan éta Zakat Fitrah jeung Infaq téh, ditarima ti 7 kacamatan sa Kota Sukabumi. Nya éta ti Kacamatan Citamiang Rp. 339.350.000,00, ti Kacamatan Cikolé Rp. 332.836.464,00, ti Kacamatan Gunungpuyuh Rp. 274.094.000,00, jeung ti Kacamatan Warudoyong Rp. 367.408.000,00.

Salajuna ti Kacamatan Baros Rp. 280.744.100,00, ti Kacamatan Cibeureum Rp. 145.880.000,00, jeung ti Kacamatan Lembursitu Rp. 295.645.600,00. Saterusna ti SKPD (Satuan Kerja Parangkat Daérah), BUMN jeung BUMD sarta instansi jeung pasaurangan masarakat ngahontal Rp. 235.110.500,00.

Lian ti éta ogé dijelaskeun, zakat fitrah anu ditarima ku Baznas Kota Sukabumi téh, lain mangrupa duit wungkul, tapi ogé mangrupa béas anu jumlahna ngahontal 30.109 kilogram, atawa saupama diaji ku duit ngahontal Rp. 361.308.000,00.

Ketua Baznas Kota Sukabumi nandeskeun, ngaronjatna Réalisasi Panarimaan Zakat Fitrah jeung Infaq Taun 1440 Hijriyah téh, nya éta pangaruh tina ngaronjatna kasadaran, paékonomian jeung kasajahtraan sarta kataqwaan jeung kaimanan umat muslim di Kota Sukabumi.

Saterusna ditandeskeun, Zakat Fitrah jeung Infaq anu ditarima ku Baznas Kota Sukabumi téh, geus disalurkeun ka masarakat anu ngabogaan hak narimana, nya éta ka mustahik, fakir, miskin, fisabillilah, ibnu sabil jeung ghorimin.

Disagigireun ti éta ogé baris digunakeun pikeun ngarojong jeung ngaronjatkeun Program Sukabumi Paduli nya éta bantuan ngoméan Rutilahu (Rumah Tidak Layak Huni) masarakat, Program Sukabumi Sajahtra mangrupa bantuan modal usaha ka masarakat, Program Sukabumi Séhat mangrupa bantuan kaséhatan masarakat, Program Sukabumi Cerdas mangrupa bantuan ka budak sakola, jeung Program Sukabumi Taqwa mangrupa bantuan ka guru ngaji.

Leave a Reply