WALI KOTA SUKABUMI NGABAGÉAKEUN SACARA DARIA KU NAMBAHANNANA SÉNTRA KULINÉR DI KOTA SUKABUMI

Reporter/Redaktur/Editor : ENDANG SUMARDI

Wali Kota Sukabumi, H. Achmad Fahmi, ngabagéakeun sacara daria ku nambahannana séntra kulinér di Kota Sukabumi. Lantaran bisa ngadorong jeung ngadongkrak kana tumuwuhna jeung ngaronjatna ékonomi masarakat Kota Sukabumi. Ěta hal téh ditepikeun, basa ngadongdon jeung niténan Geréy Kulinér Mie SP, cindekna di Jalan Siliwangi Kota Sukabumi anyar-anyar ieu, dibarengan ku Ketua TP PKK Kota Sukabumi, Hj. Fitri Hayati Fahmi, S.Ag., M.M.Pd.

Salajuna dijelaskeun, ku nambahannana séntra kulinér di Kota Sukabumi téh, nandakeun ayana kahayang ti para palaku UMKM (Usaha Mikro Kecil jeung Menengah) di Kota Sukabumi, dina ngaronjatkeun jeung ngamekarkeun usahana. Lian ti éta ogé dijelaskeun, Kota Sukabumi teu ngabogaan SDA (Sumber Daya Alam) anu ngaleuya. Ku sabab kitu, Pamaréntah Kota Sukabumi usaha satékah polah ngaronjatkeun jeung ngamekarkeun Puseur Palayanan anu ngabogaan ajén hadé dina Widang Atikan, Kaséhatan jeung Padagangan di Jawa Barat, luyu jeung Visi Pangwangunan Kota Sukabumi.

Leuih jauh dijelaskeun, teu kabéh masarakat ngabogaan kawani turun kana widang UMKM. Ku lantaran kitu, Wali Kota Sukabumi ngabagéakeun sacara daria ku nambahannana séntra kulinér di Kota Sukabumi, sakaligus méré pangajén anu saluhur-luhurna ka para palaku UMKM anu muka séntra kulinér di Kota Sukabumi. Sabab bisa nambahan jeung ngabeungharan kana hasanah kulinér di Kota Sukabumi.

Disagigireun ti éta, ku nambahannana séntra kulinér di Kota Sukabumi téh, bisa jadi daya tarik keur para wisatawan, boh ti jero boh ti luar Kota Sukabumi, pikeun salawasna ngadongdon Kota Sukabumi, sakaligus ngarasakeun nimatna kulinér has Kota Sukabumi. Komo deui saupama 3 méga proyék pangwangunan geus réngsé jeung dioprasikeun, nya éta Jalan Tol Bocimi (Bogor-Ciawi-Sukabumi) sarta Doublé Track atawa Jalur Ganda Karéta Api Bogor-Sukabumi jeung Bandara Sukabumi, bisa ngabogaan pangaruh anu kacida luhurna kana ngaronjatna jumlah wisatawan ka Kota Sukabumi, hususna ti luar Kota Sukabumi.

Leave a Reply